  chal ud jaa re panchhee, ke ab ye des huaa begaanaa
bhool jaa ab wo mast hawaa, wo udanaa daalee daalee
jag kee aankh kaa kaantaa ban gayee chaal teree matawaalee
kaun bhalaa us baang ko poochhe, ho naa jisakaa maalee
teree kismat mein likhaa hai, jeete jee mar jaanaa
chal ud jaa re panchhee, ke ab ye des huaa begaanaa
rote hain wo pankh pakheru, saath tere jo khele
jinake saath lagaaye toone aramaanon ke mele
bheegee aakhiyon se hee un kee aaj duwaayen le le
kis ko pataa ab is nagaree mein kab ho teraa aanaa
chal ud jaa re panchhee, ke ab ye des huaa begaanaa
-- Contributed by raviraj
-- Feb 04, 2004 |
