  Do ghadi baitho tumhara roop aankhon mein basaa loon
aaj thodi der mein bhi pyaar ke sapne sajaa loon...
laaj ke is reshmi aanchal mein na yun mukhada chhupaao
pyaar ki madira chhalakne do na yun palkein jhukaao
aaj to do pal adhoori pyaas aankhon ki boojhaa loon.....
haath kangan ki mahak madhosh saanson mein basi hai
kaanpte hoothon pe pahle pyaar ki sahmi hansee hai
aaj main kaise bhala is manchale man ko sambhaaloon...
-- Contributed by Binay Bhushan
-- August 27, 2003
|
