  Hum ko tumhare ishq ne kya kya bana diya
Jab kuchh na ban sake to tamasha bana diya
Kaashi se kuchh garaz thi na kaabe se vaasta
Hum dhoondhane chale the muhabbat ka raasta
Dekha tumhare dar ko to sar ko jhuka diya
Jab kuchh na ban sake to tamasha bana diya
Dil ki lagi ne kar diya dono ko bekaraar
Dohara ke daastane muhabbat phir ek baar
Majanu hamein aur aapko laila bana diya
Jab kuchh na ban sake to tamasha bana diya
Nikale teri talash mein aur khud hi kho gaye
Kuchh ban padi na hamse to deewane ho gaye
Deewanagee ne phir tera kuchaa dikha diya
Jab kuchh na ban sake to tamasha bana diya
Jalvon ki bheekh phenkane vale ki khair ho
Parada hatake dekhane vale kee khair ho
Ban ke bhikhari ishq ne daaman bichha diya
Jab kuchh na ban sake to tamasha bana diya
Hum ko tumhare ishq ne kya kya bana diya
Aa..aa. aa..aa. a
-- Contributed by raviraj
-- Nov 30, 2004 |
