  Film: Seema
Year: 1955
Lyricist: Shailendra
Singer(s): Mohd. Rafi
Music Director: Shankar Jaikishan
kahaan jaa raha hai tu aye jaanewale (2)
andhera hai mann ka diya to jalaa le
kahaan jaa raha hai tu aye jaanewale
kahaan jaa raha hai
yeh jeevan safar ek andha safar hai (2)
behekna hai mumkin bhatakne ka darr hai (2)
sambhalta nahin dil ki kissi ke sambhaale
kahaan jaa raha hai tu aye jaanewale (2)
jo thokar na khaaye nahin jeet uss ki (2)
jo gir ke sambhal jaaye hai jeet uss ki (2)
nishaa manzilo ke yeh pairon ke chhaale
kahaan jaa raha hai tu aye jaanewale (2)
kabhi yeh bhi socha manzil kahaan hai (2)
bade se jahaan mein tera ghar kahaan
tera ghar kahaan hai (2)
jo baandhe the bandhan woh kyon tod daale
kahaan jaa raha hai tu aye jaanewale (2)
kahaan jaa raha hai (4)
-- Contributed by Chitralekha
-- August 3rd, 2003. |
