  Main kab gaata mere mann mein pyaar kissi ka gaata hai
yaad kissi ki jab aati ek naya geet ban jaata hai......
jab le thandi saansein koi yeh purwaiyya lahraaye
antar se jab dhuan uthe to ambar par baadal chhaaye
aansoon ki boondon mein koi chhand naye barsaata hai
yaad kissi ki jab aati ek naya geet ban jaata hai......
mere paas nahin kuchh apna jo hai sabhi paraaya hai
mera tan man mera jeevan kissi aur ki chhaya hai
main to hun ek taar chhedkar koi mujhe bajaata hai
yaad kissi ki jab aati ek naya geet ban jaata hai....... |
