  Mere liye to bas yehi pal hain haseen bahaar ke
tum saamne baithi raho main geet gaaun pyaar ke.....
main jaanta hun pyaar ki puja yahan apraadh hai
apraadh main har pal karun man mein yahi ek saadh hai
mujhko mili hai woh khushi jeevan ke baaji haar ke
tum saamne baithi raho main geet gaaun pyaar ke.....
seekha nahin hai maine sainyam se man ko baandhana
hai saadhna meri tumhaare roop ki araadhana
tum saath do to main tod doon saare niyam sansaar ke
tum saamne baithi raho main geet gaaun pyaar ke.......
-- Contributed by Binay Bhushan
-- August 12, 2003 |
