  paas baithho tabiyat bahal jaayegee
maut bhee aa gaee ho to tal jaayegee
dhaar kaajal kee tum aur teekhee karo
maang hothhon kee meethhee haseen se bharo
zindagee jhoomane par machal jaayegee
maut bhee aa gaee ho to tal jaayegee
hum ne maanaa ke chhaayee hai kaalee ghataa
gore gaalon se gesoo hataa do zaraa
is andhere mein ek shammaa jal jaayegee
maut bhee aa gaee ho to tal jaayegee
gham ne chhedaa humein tum naa chhedaa karo
jo tumhaare hai, unse naa paradaa karo
muskuraa do tamannaa nikal jaayegee
maut bhee aa gaee ho to tal jaayegee
paas baithho tabiyat bahal jaayegee
maut bhee aa gaee ho to tal jaayegee
-- Contributed by raviraj
-- April 07, 2004 |
