  tum jo mil gaye ho,
to ye lagataa hai
ke jahaan mil gayaa
ek bhatake huye raahee ko
kaarawaan mil gayaa
baithho naa door hum se, dekho khafaa naa ho
kismat se mil gaye ho, mil ke judaa na ho
meree kyaa khataa hai, hotaa hain ye bhee
ke zameen se bhee kabhee, aasamaan mil gayaa
ke jahaan mil gayaa
tum kyaa jaano, tum kyaa ho
ek sureelaa nagmaa ho
bheegee raato mein mastee,
tapate din mein saayaa ho
ab jo aa gaye ho, jaane naa doongaa
ke mujhe ek haseen, meharabaa mil gayaa
ke jahaan mil gayaa
tum bhee the khoye khoye, main bhee bujhaa bujhaa
thaa ajanabee zamaanaa, apanaa koee na thaa
thaa ajanabee zamaanaa, apanaa koee na thaa
dil ko jo mil gayaa hai, teraa sahaaraa
ek naee zindagee kaa, nishaa mil gayaa
tum jo mil gaye ho,
to ye lagataa hai
ke jahaan mil gayaa
ek bhatake huye raahee ko
kaarawaan mil gayaa
-- Contributed by raviraj
-- Feb 04, 2004 |
