  Rafi:
Jo vaada kiya woh nibhaana padega
roke zamaana chaahe roke khudaai tumko aana padega
Jo vaada kiya woh nibhaana padega
Tarasti nigaahon ne aawaz di hai
mohabbat ki raahon ne awaaz di hai
jaane hayaa jaane ada chodo tarsaana tumko aana padega
Jo vaada kiya woh nibhaana padega
Lata:
Ye maana hamein jaan se jaana padega
par ye samajh lo tumne jab bhi pukaara humko aana padega
Jo vaada kiya woh nibhaana padega
Hum apni wafaa pe na ilzaam lenge
tumhe dil diya hai tumhe jaan bhi denge
jab ishq ka sauda kiya, phir kya ghabraana humko aana padega
Jo vaada kiya woh nibhaana padega
Rafi & Lata:
Chamakte hain jab tak yeh chaand aur taare
na tootenge ab keh do paimaan hamaare
ek doosra jab de sadaa hoke deewaana humko aana padega
Jo vaada kiya woh nibhaana padega
nibhaana padega
-- Contributed by raviraj
-- March 08, 2004 |
